AGARANG nagbigay ng tulong medikal ang Philippine Coast Guard (PCG) sa isang mangingisdang nakaranas ng matinding panghihina at pagkahilo habang nagpapatrolya sa Bajo de Masinloc nitong, ika-27 ng Pebrero 2026.

Nakatanggap ng tawag ang BRP Cabra (MRRV-4409) mula sa Bureau of Fisheries and Aquatic Resources (BFAR) at agad rumesponde ang PCG upang suriin at bigyan ng paunang lunas ang nasabing mangingisda.

Matapos ang medical assessment, naging maayos ang kalagayan nito at pinayagang magpahinga sa kanilang bangka.

Ang kanilang sasakyang pandagat ay kabilang sa mga kasalukuyang nagsasagawa ng re-provisioning activity kasama ang BFAR sa lugar.