TIGOK ang 45-anyos na fish vendor ng barilin ng hindi nakilala at nakatakas na suspek noong Lunes sa Sitio Tanag Talipapa, Brgy.San Isidro, Rodriguez, Rizal.

Ayon sa report, malapitang binaril ang biktimang si alyas Dodong matapos manggaling sa fish stocks sa Novaliches fish port.

Binaril at napatay ang biktima pagbukas ng kanyang sasakyan dakong alas-3:40 ng madaling araw, ayon sa report.

Ayon kay P/Lt. Gerry Cordero, may hawak ng kaso, nasa 5’4 ang taas ng suspek na nakasuot ng hooded jacket.

Tumakas ang suspek sa pamamagitan ng pagsakay sa isang motorsiklo papunta sa hindi mabatid lugar.