PATAY ang lalaki na aksidenteng tinamaan ng bala habang naglilinis ng rifle noong Biyernes sa Purok 2, Brgy. Cabangaan, Silang, Cavite.

Kinilala ang nasawi na si alyas Aldrin.

Bandang alas-9:00 ng umaga nasa loob ng kuwarto ang biktima at nililinis ang kanyang rifle pero bigla na lang pumutok at tinamaan ang biktima sa katawan.

Tumambad ang duguang katawan ng biktima na nakahandusay sa kama katabi ang nilinis na rifle.

Nagpasya ang pamilya na dalhin sa Paredes funeral ang biktima at lumagda para i-autopsy ang biktima

Isasailalim ng pulisya sa ballistic examination ang baril.