KAMPO HENERAL MALVAR, Batangas City–Nasa kustodiya na ng mga awtoridad ang 40-anyos na manggagawa matapos mahuling may pag-iingat na baril at ilegal na droga sa Brgy. Tinga Itaas ng syudad na ito noong Martes.

Kinilala ni Batangas police director P/Col. Meliton Salvadora Jr. ang suspek na si alyas Bito na nahuli matapos tangkain na ibenta ang iligal na droga sa isang poseur-buyer na miyembro ng pulisya. Nakumpiska mula sa kanya ang dalawang gramo ng shabu na nagkakahalaga ng P13,600, 12-gauge shotgun, buy-bust money, at iba pang ebidensya.

Nahaharap ang suspek sa mga kasong paglabag sa RA 9165 (Comprehensive Dangerous Drugs Act of 2002) at RA 10591 (Comprehensive Firearms and Ammunition Regulation Act).