KAMPO BGEN VICENTE LIM, Calamba City–Tatlong suspek sa halu-halong krimen ang nasa kustodiya na ng mga awtoridad sa CALABARZON matapos mahuli noong Mayo 6.

Kinilala ang unang suspek na si alyas Nandy, 44, na na naresto bandang alas-7:10 ng gabi base sa warrant of arrest para sa dalawang bilang ng kasong rape na inisyu ni Hon. Carolina Faustino De Jesus ng RTC Branch 9, Balayan, Batangas.

Nahuli naman si alyas Paeng, 23, sa Sitio Centro, Brgy. San Juan, Tiaong, Quezon dahil din sa kasong panggagahasa.

Ang ikatlong suspek, si alyas Ronie, 38, dinakip bandang alas-8:45 ng gabi sa Brgy. Bagumbayan, Tanauan City dahil din sa kasong panggagahasa.

Lahat ng suspek ay kasalukuyang nakadetine.