SAN LUIS, Batangas–Nakipagtulungan noong Biyernes ang PNP-Maritime Group sa Philippine Coconut Authority (PCA) sa pagtatanim ng 200 punla ng niyog sa Brgy. Mahabang Parang sa bayang ito.

Pinangunahan ni PCol. Ricardo I. Dalmacia, hepe ng RMU4A, ang mga pulis sa paglahok sa proyektong inorganisa ni Alexis Mojica, Division Chief ng PCA Batangas/Cavite.

Dumalo rin sa programa sina Dr. Dexter R. Buted (PCA Administrator), Bibiano C. Concibido, Jr. (PCA Region IV-A Regional Manager III) at Dr. Alvin S. Mojica (DILG-NAPOLCOM Center Commissioner), kasama ang iba pang mga agriculturist ng ahensya.

Layunin ng aktibidad na isulong ang pangangalaga sa kalikasan at palakasin ang ugnayan ng mga ahensya ng gobyerno at ng lokal na komunidad.