HINILING ni Sen. Erwin Tulfo sa Department of Foreign Affairs (DFA) na humingi ng paglilinaw sa Iranian government matapos ang hinihinalang drone attack sa isang Maltese-flagged container ship na may sakay na 24 Filipino seafarers, kung saan pito ang nasugatan at tatlo ang nasa kritikal na kondisyon.

Sinabi ni Tulfo na dapat alamin ng DFA kung nananatiling valid ang safe-passage understanding na nagpapahintulot sa mga barkong may Filipino crew members na dumaan sa Strait of Hormuz.

“We want to understand why Iran attacked this vessel, considering we reached an understanding with them last month allowing safe passage through the Strait of Hormuz,” sabi ni Tulfo.

Ang May 5 attack ay pinaghihinalaang nagmula sa Iran.

Sinabi ni Tulfo na dahil sa naunang understanding sa Iran, mahigit 1,000 Filipino seafarers ang ligtas na nakadaan sa nasabing waterway.

“We are thankful to the Republic of Iran because the agreement sealed last month paved the way for over 1,000 Filipino seafarers to safely pass through the said waterway,” sabi niya.

Ayon sa senador, maraming Filipino seafarers ang nananatiling stranded sa Strait of Hormuz dahil sa May 5 incident.

Ayon sa tanggapan ni Tulfo, nangako si Lazaro na makikipagpulong kay Iranian Ambassador to the Philippines Yousef Esmaeilzadeh ngayong linggo upang alamin kung active pa rin ang safe-passage agreement.

Nanawagan din si Tulfo sa lahat ng partido sa sigalot sa Middle East na bumalik sa negosasyon at unahin ang kapayapaan sa rehiyon.