HANDANG-handa na ang mga parak ng Eastern Police District (EPD) para sa pagbibigay-seguridad sa mga public elementary at secondary school students sa silangang bahagi ng Metro Manila sa pagsisimula ng klase sa Hunyo 8.

Tiniyak ito ni P/BGen. Melecio Buslig Jr., EPD officer-in-charge.

Ayon sa heneral, katulong nila ang Department of Education (DepEd) sa pagtiyak sa kaligtasan ng lahat ng estudyante. Aabot sa 225 pulis ang poposte sa mga strategic na lugar sa silangang bahagi ng Metro Manila.

Sakop ng EPD ang Marikina, Pasig, San Juan at Mandaluyong na may 232 paaralan na binubuo ng 118 private at 114 public schools.

“Our goal is to ensure a safe, secure, and orderly return to school for all learners and stakeholders. The Eastern Police District remains steadfast in its commitment to heightened police visibility and prompt response operations throughout the opening week and the succeeding days,” saad ng heneral.

Ayon sa EPD chief, magkakaroon ng police assistance desks sa strategic locations malapit sa mga paaralan bilang dagdag suporta sa mga mag-aaral.