UTAS na at puno ng saksak sa iba’t ibang bahagi ng katawan ang ina at talong anak nang matagpuan sa loob ng kanilang bahay sa Brgy. Litapan, Josefina, Zamboanga del Sur, noong Lunes.

Nakilala ang mga biktima na sina Arlene Fernan Dumalte at mga anak na sina Nacel, 14; En-en, 13; at Arnel, 12.

Rumesponde sa insidente ang mga tauhan ng Josefina police, 53rd Infantry Battalion at mga opisyal ng barangay matapos makatanggap ng ulat hinggil sa nangyari.

Nakaligtas ang isang anak ng ginang dahil nakitulog sa bahay ng kanyang lola.

Patuloy ang imbestigasyon ng mga awtoridad upang matukoy kung sino ang may kagagawan ng karumal-dumal na krimen.

Isa sa mga anggulong tinitignan ng ang umano’y pakikipaghiwalay ng ginang sa kanyang asawa.