NAITALA ang isang minor phreatomagmatic eruption sa Main Crater ng Taal Volcano alas-2:34 ng hapon nitong Hunyo 30, ayon sa monitoring ng mga awtoridad.

Tumagal ng humigit-kumulang apat at kalahating minuto ang pagputok at binubuo ng tatlong magkakasunod na bugso na nagbuga ng kulay abong abo at singaw na umabot sa tinatayang 1,200 metro ang taas bago tinangay ng hangin patimog-kanluran.

Batay sa seismic, infrasound, at visual observations, nananatiling nasa Alert Level 1 ang Taal Volcano, na nangangahulugang may mababang antas ng volcanic unrest ngunit patuloy pa ring minomonitor ang aktibidad nito.