UMUPO na si Vice Mayor Justin Colago bilang acting mayor ng San Pablo City habang in effect ang anim na buwang suspensyon na ipinataw kay Mayor Arcadio “Najie” Gapangada Jr.

Ang suspension order ay ipinatupad kasunod ng direktiba ng Office of the Ombudsman habang kinumpirma rin ng Department of the Interior and Local Government (DILG) ang pagsisilbi ng naturang kautusan dahil sa mga kaso isinampa sa alkalde.

Inaasahang ipagpapatuloy ni Colago ang operasyon at paghahatid ng mga pangunahing serbisyo ng pamahalaang panlungsod sa mga mamamayan ng San Pablo City.

Iginiit ni Mayor Gapangada na kuwestiyonable ang naging proseso ng pagpapataw ng anim na buwang suspensyon at inaasahan niyang maipapaliwanag ang kanyang panig sa tamang legal na proseso.