KAMPO VICENTE LIM, Calamba City, Laguna — Ang Police Regional Office 4A (PRO 4A) ay nakahanda para panatilihin ang kapayapaan at kaayusan sa Calabarzon sa gitna ng impeachment trial laban kay Bise Presidente Sara Z. Duterte.

Ayon kay PRO 4A Acting Regional Director PBGen Dominic L. Baccay, nakalatag na ang mga kaukulang hakbang upang matiyak na magiging mapayapa at ligtas ang buong rehiyon habang gumugulong ang paglilitis.

Binigyang-diin ni Baccay na ang kanilang operasyon ay gagabayan ng adbokasiyang “B.E.S.T. – Service for a Better Community” na nakabatay sa Focused Agenda ng Hepe ng PNP.

Sa ilalim ng mandatong ito, inatasan ang bawat tauhan ng PRO 4A na isabuhay ang apat na pangunahing haligi ng serbisyo: Maging Nakikita Agad na Makipag-ugnayan Maglingkod nang Sama-sama at Baguhin ang Pagtitiwala

“Nananatiling matatag ang PRO 4A sa aming panata na pangalagaan ang kaligtasan ng publiko. Gagampanan ng bawat pulis ang kanyang tungkulin nang may propesyonalismo, walang kinikilingan, at may mataas na paggalang sa umiiral na batas,” pahayag ng pamunuan.