GINANAP ang 28th Paaralan sa Konsulado (PSK) noong Agosto 1 sa Philippine Consulate General sa New York, USA (PCG-NY) na may temang “Pinag-aaralan ang Nakaraan, Hinuhubog ang Kinabukasan.”

Pinayabong ng programa ang kaalaman ng kabataang Fil-Am sa Filipino, kasaysayan, at kultura.

Ang PSK ay tuloy-tuloy na naglilingkod sa komunidad mula pa noong 1999 katulong ang Association of Fil-Am Teachers of America (AFTA).

Tampok sa taong ito ang mga lectures ukol sa mga mithiin ni Jose Rizal kasama ang Knights of Rizal-Long Island Chapter.

Pinarangalan ng Konsulado ang lahat ng guro, magulang at volunteers na nag-alay ng panahon para sa tagumpay ng aktibidad.