NINAKAW ang mga antigong gamit ng Saint Joaquin at Saint Anne Parish Church ng di pa kilalang mga kawatan sa Brgy. Calumpang, Liliw,Laguna.

Tatlong beses na umanong sumalakay ang mga magnanakaw at ang pinakahuli ay nitong Agosto 6, 2026.

Base sa imbestigasyon ng Liliw police, ang mga magnanakaw ay dumaan sa likuran ng simbahan sa kasagsagan ng ulan.

Kabilang sa mga ninakaw ang tatlong piraso ng kandelabra na nagkakahalaga diumano ng P58,000, tatlong bell na may halagang P30,000 at chalis na aabot ng P10,000 ang halaga.

Nanawagan ang pamunuan ng Saint Jauquin and Anne Parish Church sa kung sino man ang napagbentahan ng ninakaw na banal na gamit sa simbahan ay agad ipagbigay alam sa kinauukulan.

May person of interest na umano ang Liliw police.