Tiniyak ni Pangulong Ferdinand R. Marcos na mayroong sapat na suplay ng pagkain at tubig ang mga nasalanta ng magnitude 6.7 lindol sa Abra.

Ayon sa Pangulo patuloy din ang ginagawa nitong pagbabantay sa sitwasyon sa mga nasalanta.

“We do not have a critical problem when it comes to food and shelter. That is the most important part of the relief that we have to provide now for the people affected by the earthquake last night,” sabi ng Pangulo.

Sinabi ng Pangulo na humihingi ng tent ang mga pamilyang nasalanta dahil takot ang mga ito na bumalik sa kani-kanilang mga bahay dahil patuloy pa rin ang mga aftershock.