NI-RENEW ng Kagawaran ng Turismo (DOT) at Klook, ang nangungunang plataporma sa Asya para sa mga karanasan at serbisyo sa paglalakbay, noong Martes (Setyembre 1), ang kanilang Memorandum of Understanding (MOU) para sa isang multi-year strategic partnership upang mapalago ang turismo sa Pilipinas.

Gagamitin ng partnership ang pandaigdigang abot ng Klook sa marketing at malawak na network ng mga lokal na operator upang mapalakas ang demand sa turismo sa pamamagitan ng mga kampanya tulad ng “Discover More to Love,” habang bumubuo ng mga curated experience at tinutulungan ang mga lokal na negosyo sa turismo na yakapin ang digitalization.

“Habang patuloy naming pinalalawak ang aming pakikipagtulungan sa Klook, binibigyang-diin namin ang pakikilahok ng ating mga stakeholder sa turismo. Nais naming tiyakin na ang ating mga service provider—partikular na ang mga MSME sa mga lalawigan—ay may kakayahang makilahok nang makabuluhan sa digital tourism ecosystem. Sa pamamagitan ng pagbibigay sa kanila ng access sa mga platform tulad ng Klook, kung saan mas madaling makikita at mai-book ang kanilang mga alok, mas direktang maiuugnay natin sila sa mga manlalakbay habang ginagawang mas maayos, maginhawa, at ligtas ang proseso ng pag-book,” pahayag ni DOT Secretary Dita Angara-Mathay.

“Ang aming pakikipagtulungan sa DOT ay isang napakahalagang yugto para sa Klook, at ikinagagalak naming palawigin ito sa loob ng ilang taon upang higit pang itaas ang antas ng potensyal ng turismo sa Pilipinas,” pahayag ni Michelle Ho, General Manager ng Klook Philippines. “Sa pamamagitan ng pagsuporta at pagbibigay-kakayahan sa mga lokal na negosyante, hindi lamang namin ginagawang mas madaling ma-access ang mga natatangi at tunay na karanasang Pilipino, kundi itinatampok din namin ang Pilipinas bilang pangunahing destinasyon para sa mga manlalakbay, lokal man o mula sa iba’t ibang panig ng mundo.”

Sa ilalim ng pinag-ibayong kasunduan, magtutulungan ang DOT at Klook sa mga inisyatiba sa turismo na nagtatampok sa mga natatagong yaman at mga bagong sumisikat na destinasyon sa bansa, habang sinusuportahan ang ‘destination branding’ at pagbuo ng mga produktong panturismo para sa mga lokal na ‘community operator’ at mga MSME sa pamamagitan ng mga ‘Regional Office’ ng DOT.

Bilang pagpapalakas sa papel ng Klook sa pagsusulong ng digital na teknolohiya sa turismo ng Pilipinas, makatutulong ang partnership na ito sa mga lokal na negosyo na maabot ang mas maraming manlalakbay at maiangkop ang kanilang mga alok sa nagbabagong mga pangangailangan at interes sa paglalakbay.

“Ang panibagong ambisyong ito ay patunay ng tagumpay ng ating pinagsamang pagsisikap, at inaabangan namin ang pakikipagtulungan sa mas marami pang mga inisyatiba upang higit pang isulong ang turismo sa Pilipinas,” dagdag pa ni Ho.

Manatiling updated sa mga susunod na plano ng Klook at ng Department of Tourism sa pamamagitan ng pag-follow sa Klook sa Facebook, Instagram, at TikTok. Para sa mga hindi malilimutang karanasan sa paglalakbay, i-download ang Klook app mula sa Google Play Store o Apple Store.