LIPA CITY, Batangas–Timbog noong Martes ang dalawang itinuturing na High-Value Individual (HVI) matapos makasamsam ng shabu sa kanila sa buy-bust sa Purok 2, Brgy. 2 sa lungsod na ito.

Kinilala ang mga nadakip na sina alyas Tropa, 37; at Sitti, 39.

Ayon sa ulat kay PLt. Col. Aleli Cuyan Buaquen, nakuha sa mga suspek ang 77.74 na gramo ng hinihinalang shabu na may presyong P528,632.

Sinabi ni Batangas Police Provincial Office (BPPO) director PC9l. Oliver Ebora na ang paghuli sa dalawa ay bahagi ng kampanya laban sa ilegal na droga at kriminalidad.

Nakadetine ang mga suspek sa Lipa police custodial facility at nakatakdang sampahan ng kasong paglabag sa RA 9165 o Comprehensive Dangerous Drugs Act of 2002.