CALAPAN CITY, ORIENTAL Mindoro–Inilunsad sa siyudad na ito ang Meals Beyond Service Mobile Kitchen sa pangunguna ni Mayor Doy Leachon sa pakikipagtulungan ng City Disaster Risk Reduction and Management Department (CDRRMD), City Health and Sanitation Department (CHSD) at City Social Welfare and Development Department.

Iikot sa buong lungsod ang mobile kitchen upang makapaghatid ng sapat na pagkain sa bawat Calapeño.

Ide-deploy din ito sa panahon ng kalamidad upang masiguro ang nutrisyon at kapakanan ng mga nasalantang mamamayan.

Tinitiyak ni Mayor Leachon na walang magugutom sa bawat sulok ng lungsod.