ISANG guro ang nasawi matapos na mahulog sa bangin ang sinasakyan nitong bus sa Bataan.

Kinumpirma ng Schools Division Office ng Quezon City ang pangyayari. Ang guro ay nagtuturo umano sa Payatas B Elementary School.

Ayon sa SDO-QC, tatlong bus na may sakay na 141 guro ang pumunta sa Sinagtala Resort sa Orani, Bataan noong Nobyembre 4 para sa isang Gender and Development activity.

Ang mga kalahok na guro ay mula sa pampublikong elementarya at high school ng QC.

Pauwi na umano ang mga guro noong Nobyembre 5 nang mahulog ang bus sa bangin. May sakay itong 48 pasahero. May 15 minuto pa lamang umano mula ng umalis ang bus sa resort.

Nawalan umano ng preno ang bus sa kurbadong bahagi ng kalsada.

Dead on arrival umano sa Orani District Hospital ang nasawi. Tatlong iba pa ang isinugod sa Balanga Provincial Hospital.