KAMPO HENERAL MIGUEL MALVAR, Batangas–Nahuli ng mga miyembro ng Agoncillo police ang isang akusado ng 10 counts ng acts of lasciviousness sa Brgy. Coral na Munti, Agoncillo, Batangas noong Huwebes.

Naaresto ang akusadong si alyas Nestor pasado alas-12:35 ng tanghali dahil sa warrant of arrest na inisyu ni Presiding Judge Mary Jane Valeza-Maranan ng Regional Trial Court (RTC) Fourth Judicial Region Branch 5 ng Lemery, Batangas.

Kasama sa warrant ang inirekomendang piyansa na P180,000 sa bawat bilang ng kaso para sa pansamantalang paglaya ng suspek.

Kasalukuyang nakakulong ang akusado sa Agoncillo police detention facility.