CUYAPO, Nueva Ecija — Nakuhanan ng marijuana at tooter pipe ang lalaking inaresto dito matapos magtangkang saksakin ang kanyang anak noong Miyerkules.

Inaresto ng mga rumespondeng pulis ang lasing na 67-taong-gulang na ama na aktong buburdahan ng saksak ang kanyang anak.

Sinabi ng mga imbestigador na sinubukan nilang pakalmahin ang suspek pero naging pasaway kaya inaresto na nila.

Narekober ng mga pulisya sa suspek ang marijuana na may bigat na tatlong gramo na nagkakahalaga ng P400.

Narekober din sa suspek ang isang improvised tooter pipe at isang pakete ng Two Moon cigarette na naglalaman ng limang sigarilyo.

Nasa kustodiya na ng mga pulis ang naarestong suspek kasama na ang mga nakuhang ebidensya mula sa kanya.