NALUNOD ang isang sundalo habang naliligo sa resort sa Gen. Tinio, Nueva Ecija noong Linggo.

Sa ulat kay Police Regional Office (PRO)-3 director Brig. Gen. Jean Fajardo, kinilala ng Nueva Ecija police ang biktima na si SSG Michael Catabay, 38, miyembro ng Philippine Army na taga-Brgy. Palacpalac, Victoria, Tarlac.

Nagsagawa ng team-building activity sa naturang resort ang sundalo nang maganap ang insidente.

Huli umanong nakita ang biktima dakong alas-3:00 ng hapon ngunit sa accounting ng mga tauhan bandang alas-5:00 ng hapon, nawawala na siya at nakita siyang walang malay sa lalim ng isa sa mga swimming pool ng resort.