PATAY ang babae na pinagtataga sa ulo ng kanyang mister sa gitna ng pagtatalo noong Huwebes sa Zamboanga Sibugay.

Namatay habang ginagamot sa ospital si Erlinda Cabatuan Cillablana, ayon sa report.

Nakatakas ang suspek sa pagpatay na pinaniniwalaang lango sa ipinagbabawal na gamot nang isagawa ang krimen.

Batay sa ulat, nagtalo ang mag-asawa dahil sa matinding selos na nauwi sa mainitang komprontasyon hanggang sa kumuha ng itak ang suspek at pagtatagain ang biktima.

Matapos ang pananaga tumakas ang suspek at isinugod sa ospital ang biktima kung saan siya nalagutan ng hininga.