Degamo

Bagong Gov, Vice Gov ng Negros Oriental nanumpa sa tungkulin

238 Views

NANUMPA na sa tungkulin si Vice Governor Carlo Jorge Joan Reyes bilang bagong gubernador ng Negros Oriental kapalit ng pinaslang na si Gov. Roel Degamo.

Si 1st Board Member Manuel “Chaco” Sagarbarria ay nanumpa naman bilang bagong Vice Governor ng probinsya kapalit ni Reyes.

Ang panunumpa ng dalawa ay pinangasiwaan ni Interior and Local Government Sec. Benhur Abalos Jr.

Nagsilbi namang saksi sa panunumpa ni Sagarbarria sina Speaker Ferdinand Martin G. Romualdez at Negros Oriental 2nd District Rep. Manuel ” Chiquiting” Sagarbarria.

Si Degamo ay pinagbabaril sa harap ng kanyang bahay habang nakikipag-usap sa mga benepisyaryo ng Pantawid Pamilyang Pilipino Program (4Ps) noong Sabado.