PUMASOK na sa Philippine Area of Responsibility (PAR) ang Severe Tropical Storm Podul na pinangalanang Gorio.

Ayon sa Philippine Atmospheric, Geophysical and Astronomical Sevices Adminustratiob (PAGASA) bahagyang humina ang bagyo na tatawagin na sa local name na Gorio.

Sa Tropical Cyclone Advisory, huling namataan ang bagyo sa layong 1,420 kilometro silangan ng extreme Northern Luzon, taglay ang lakas ng hangin na 100 kilometro kada oras at pagbugso na 125 kilometro kada oras.

Inaasahan itong magla-landfall sa northeastern coast ng Taiwan pagsapit ng Miyerkules.

“There is large uncertainty in the projected track and intensity of PODUL from Monday through the end of the forecast period since any northward or southward shift in the track forecast will significantly change the intensity forecast,” ayon sa PAGASA.

Samantala, inaasahan naman ang maulap na kalangitan na may kalat-kalat na pag-ulan at thunderstorm sa Ilocos Region, Batanes, at Babuyan Islands, dahil sa southwest monsoon o Habagat.

Bahagyang maulap hanggang sa maulap na kalangitan na may isolated rainshowers o thunderstorms naman ang inaasahan sa Metro Manila, Zambales, Bataan, Cavite, Batangas, Occidental Mindoro, at Palawan.

Localized thunderstorms naman ang magdadala ng bahagyang maulap hanggang sa maulap na kalangitan na may isolated rainshowers o thunderstorms sa nalalabing bahagi ng bansa.