SUMANDAL ang Basilan Starhorse sa maasahang free throw accuracy ni Enzo Navarro sa huling minuto ng laro upang pabagsakin ang Pampanga, 89-82, sa Manny Pacquiao presents 1xBet-MPBL 2025 Season sa FilOil EcoOil Centre sa San Juan city.

Umiskor si Navarro ng walong free throws sa huling bahagi ng sagupaan upang mabigo ng Portmasters ang tangkang rally ng Giant Lanterns’ at patatagin ang kanilang record to 10-9 sa round-robin elimination phase ng 30-team tournament na pinapatnubayan ni boxing legend Manny Pacquiao.

Nagpakitang gilas si Jervy Cruz ng Basilan sa kanyang 19 points, 12 rebounds at three assists upang masungkit ang “Best Player of the Game” honors laban kina Emman Calo, na may 22 points, 5 assists, 4 rebounds, 3 steals at 2 blocks, at Navarro, na may 14 points, tampok ang perfect 9 of 9 shooting sa free throw line, 8 assists at 2 rebounds.

Nakatulong din si Enzo Joson sa kanyang 12 points, 3 rebounds, 3 steals and 2 assists para sa Portmasters.

Bumagsak ang Pampanga, the reigning back-to-back champion, sa 15-6 record sa kabila ng 17 points at game-high 22 rebounds ni Larry Muyang

Nakakuha din ang Pampanga ng 17 points, 10 rebounds, 2 assists and 2 steals mula kay John Lloyd Clemente at 11 points at 4 rebounds mula kay Jhan Mchale Nermal.

Ang nasabing show of force ng Basilan ay sumapaw sa panalo ng Nueva Ecija laban sa, Bataan, 94-78, na nagbigay sa Rice Vanguards ng 19-1 slate kasalo sa liderato ng ng San Juan Knights at Abra Solid North Weavers.

Si Jaycee Marcelino ay nagtala ng 20 points at 4 assists oara sa Nueva Ecija.

Nagdagdag sina Will McAloney ng 15 points and 6 rebounds, at Rob Celiz ng 12 points, 5 rebounds at 4 assist para sa Rice Vanguards.

Samantala, pinayuko ng Quezon City Galeries Taipan ang Bacolod, 85-73, upang umakyat sa 6-14.

Nanguna si John Edcel Rojas para sa Taipans sa kanyang 11 points, 11 rebounds at 5 assists; kasunod sina Dave Bernabe na nay 12 points, 8 rebounds at 2 blocks; at Nino Ibanez na may 12 points at assists.