SUMAILALIM sa online test tungkol sa mga operational procedures ng Philippine National Police (PNP) ang mga hepe ng pulis ng Batangas Police Provincial Office noong Biyernes sa Kampo Heneral Miguel Malvar, Kumintang Ilaya, Batangas City.

Ang pagsusulit ay naglalayong pahusayin at panatilihin ang kaalaman sa mga operational procedures ng PNP sa hanay ng mga lider ng pulisya.

Umabot sa 34 na istasyon ng pulisya ang lumahok, at lahat ng mga hepe ng pulisya ay nakapasa sa pagsusulit.

Ang Batangas PPO ay matatag sa pagpapanatili ng mataas na pamantayan at tinitiyak na ang kanilang mga tauhan ay maayos na nakahanda upang epektibong maglingkod sa komunidad, ayon sa Batangas PNP.