ISANG lindol na may lakas na magnitude 4.4 ang yumanig sa Batangas, Sabado ng gabi.

Ayon sa Philippine Institute of Volcanology and Seismology (PHIVOLCS) naramdaman ang lindol alas-11:25 ng gabi.

Ang epicenter ng lindol ay 21 kilometro sa kanluran ng Calatagan, Batangas at may lalim na 104 kilometro.

Naramdaman ang Intensity III sa Lubang, Occidental Mindoro; at naitala ng mga instrumento ng PHIVOLCS ang Intensity I sa Calapan City at Puerto Galera, Oriental Mindoro.

Sa pagtataya ng PHIVOLCS ang lindol ay aftershock ng magnitude 6.6 lindol sa Calatagan, Batangas noong Hulyo 24 ng nakaraang taon.