BINUKSAN ni Batangas City Councilman Arthur “Bart” Blanco ang usapin tungkol sa pay parking kung saan ay hinihiling ng mga kababayan na malagyan ng sapat na CCTV ang mga parking area ng mga shopping establishment sa Batangas City.

Hiniling din ng publiko na kahit libre ang parking area ay nararapat din na paigihin ang CCTV system upang mapaigting ang seguridad ng mga kababayan na dumadalaw at bumibisita sa mga malls lalo na ngayong Kapaskuhan.