Oriental Mindoro – Nanumpa sa harap ni Calapan City Mayor Doy C. Leachon, ang mga bagong talagang opisyal ng Federation of Calapan City – Barangay Nutrition Scholar (BNS).

Ayon kay Dr. Basilisa Llanto, City Health Officer (CHO), patuloy na maasahan ang mahusay na paglilingkod ng mga BNS sa kanilang nasasakupan at magiging matapat na katuwang ng Pamahalaang Lungsod para sa layunin ng pagbuo ng mas malusog na Calapan.

Dagdag pa ni Glenda Raquepo, RN, City Nutrition Action Officer (CNAO), mananatiling aktibong tagapagtaguyod ng kalusugan at wastong nutrisyon sa bawat barangay ang nasabing mga bagong opisyal ng BNS Federation.