SINABI ni Senadora Risa Hontiveros na maaaring masusing siyasatin ng Senado sa deliberasyon ng budget ang mga ahensyang responsable sa kaligtasan ng mamimili matapos niyang kuwestiyunin ang pagpapatupad ng mga pamantayan sa bakal na gawa sa Pilipinas.

Sa pagtatapos ng pagdinig ng Senado tungkol sa industriya ng bakal, sinabi ni Hontiveros na hindi dumalo ang Department of Trade and Industry at hinimok niya ang ahensya na dumalo sa mga susunod na pagdinig.

“Hindi rin katatanggap tanggap na yung ating mga ahensya na in charge sa consumer safety at protection, gaya ng DTI, ay absent ngayon. Sana sa susunod, dapat sa susunod, dumalo sila,” sinabi ni Hontiveros.

Dapat managot ang mga manufacturer kung mapatutunayang substandard na bakal ang naging sanhi ng pagguho ng mga gusali at bahay sa Pampanga at Mindanao.

Kondisyonal ang pahayag ni Hontiveros tungkol sa posibleng kaugnayan ng substandard na bakal sa mga pagguho.

Nanawagan din ang senadora para sa isang lokal na industriya ng bakal na gumagawa ng ligtas at de-kalidad na produkto at kayang makipagsabayan sa merkado.

“We must also confront a big question: How do we build a Philippine steel industry that is strong, competitive, and worthy of public trust?” sinabi niya.

Sinabi ni Hontiveros na dapat maprotektahan ang mga lehitimong negosyo, manggagawang Pilipino at mga mamimili habang pinalalakas ang industriya.

“We want quality steel proudly made by Filipinos, naniniwala po ako na mayaman ang Pilipinas lalo na sa likas na yaman that we should optimize para sa ikabubuti ng buong bayan,” sinabi ni Hontiveros.