MAGSASAGAWA ng public consultation ang Commission on Elections (Comelec) kaugnay ng panukala na ipagpaliban ang pagsasagawa ng Barangay and Sangguniang Kabataan Elections (BSKE) sa Negros Oriental.

Pangungunahan ni Comelec chairperson George Garcia kasama ang iba pang opisyal ng ahensya ang pagsasagawa ng konsultasyon sa Hunyo 27 hanggang 29.

Ayon kay Comelec spokesperson John Rex Laudiangco layunin ng konsultasyon na malaman ang level ng karahasan o kaguluhan sa probinsya upang malaman kung dapat bang ipagpaliban ang paparating na halalan.

Isasagawa umano ang konsultasyon sa iba’t ibang bayan at siyudad.

Ang panawagan na ipagpaliban ang konsultasyon ay nag-ugat sa pagpaslang kay Governor Roel Degamo at siyam na iba pa noong Marso.