MAHIGIT P105,000 na benta ang natangay ng dalawang nakatakas na kawatan sa branch ng Alfamart na nilooban sa NHA Avenue, Brgy. Dela Paz, Antipolo City noong Linggo.

Isa sa dalawang kumana ay nakasuot ng yellow jacket at armado ng baril at sakay ng Honda Click motorcycle.

Biglang pumasok ang mga suspek at sumigaw ng “hold up ito” at itinaboy pa ng mga suspek ang mga customer na nasa loob ng convenience store at saka tumuloy sa storage room.

Inutusan ang isa sa mga nasa branch na si alyas John na buksan ang vault sabay bundol ng baril sa noo nito at tumakas na sakay ng motorsiklo patungo sa hindi malamang na direksyon.

Humingi ng tulong ang mga biktima sa kanilang area coordinator pero hindi nahuli ang mga suspek.