NAGHALAL ang Kamara de Representantes ng mga dagdag na opisyal at chairman ng iba’t ibang komite nitong Miyerkoles.

Inihalal na Deputy majority leader si Eduardo Rama ng Cebu City, samantalang sina Antonino Roman lll ng Bataan, Ricardo Cruz Jr. ng Taguig-Pateros at Walfredo Dimaguila Jr. ng Biñan City ay inihalal na Assistant majority leader.

Ang mga deputy at assistant majority leader ang makakatuwang ni Majority Leader at Ilocos Norte Rep. Ferdinand Alexander “Sandro” A. Marcos, ang chairman ng committee on rules, sa pagpapatakbo ng sesyon ng plenaryo.

Nanatili naman bilang chairman ng iba’t ibang komite ang ilang kongresista gaya nina Rufus Rodriguez ng Cagayan de Oro City (constitutional amendments), Wilfrido Mark Enverga ng Quezon (agriculture), Roman Romulo ng Pasig City (basic education and culture), Romeo Momo Sr. ng Surigao del Sur (public works and highways), Angelo Marcos Barba ng Ilocos Norte (North Luzon quadrangle), at Eleandro Jesus Madrona ng Romblon (tourism).

Gerville Luistro ng Batangas, na miyembro ng House prosecution panel sa impeachment trial ni Vice President Sara Duterte, ay inihalal na chairperson ng committee on justice.

Si Jude Acidre ng Tingog Party-list ay inihalal naman na chairman ng committee on higher and technical education.

Si Ma. Georgina de Venecia ng Pangasinan naman ang mamumuno sa committee on inter-parliamentary relations and diplomacy, habang si Maria Rachel Arenas ng Pangasinan ang inihalal na chair ng committee on foreign affairs.

Ang iba pang inihalal na chairman ng komite ay sina Tsuyoshi Anthony Horibata ng Camarines Sur (aquaculture and fisheries resources), Irwin Tieng ng Manila (banks and financial intermediaries), Laarni Lavin Roque ng Bukidnon (civil service and professional regulations), Aniela Bianca Tolentino Cavite (climate change), Felimon Easpares ng COOP NATCCO (cooperative development), Antonio Legarda Jr. ng Antique (economic affairs), Jose Alvarez ng Palawan (energy).

Antonio Ferrer ng Cavite (games and amusement), Ma. Victoria Co-Pilar ng Quezon City (housing and urban development), Miguel Luis Villafuerte ng Camarines Sur (information and communication technology);

Ramon Jolo Revilla lll ng Cavite (labor and employment), Jeffrey Ferrer ng Negros Occidental (legislative franchises), Dean Asistio ng Caloocan City (Metro Manila development), Leody Tarriela ng Occidental Mindoro (micro, small and medium enterprises)

Oscar Malapitan ng Caloocan City (national defense and security), Alfredo Marañon lll ng Negros Occidental (natural resources), Emigdio Tanjuatco lll ng Rizal (revision of laws), Wilton Kho ng Masbate (rural development)

Julio Ledesma IV ng Negros Occidental (science and technology), Maximo Dalog Jr. ng Mt. Province (trade and industry), Franz Pumaren ng Quezon City (transportation), Faustino Michael Carlos Dy lll ng Isabela (youth and sports development), at Javier Miguel Benitez ng Negros Occidental (creative industry).