GAPAN CITY–Naputulan ng kanang hintuturo ang babaeng vendor ng barilin ng sumpak ng nagwalang kolektor na nangongolekta ng P1,000 pautang sa kanya sa palengke ng syudad na ito noong Biyernes.

Tinutukan diumano ng suspek na si alyas Bugnot, 39, ang vendor na si Merlyn Dela Torre, 49, at nahagip ang daliri nito.

Nangyari ang pamamaril dakong alas-4:00 ng hapon.

Tumakas ang suspek matapos ang insidente ngunit agad itong naaresto ng mga rumespondeng pulis.

Ayon sa suspek, nagalit siya ng hindi mabayaran ng biktima ang P1,000 natitirang balanse sa utang nito.

Inihahanda na ang magkakahiwalay na kaso para sa paglabag sa Republic Act 10591, Omnibus Election Code, grave threats at alarm and scandal para sa inquest-filing laban sa naarestong suspek.