Kinondena ng Department of the Interior and Local Government ang pagpatay sa dalawang pulis na ginagampanan lamang ang kanilang tungkulin sa Maguindanao.

Itinuturing din ni DILG Secretary Benhur Abalos ang pag-atake sa mga pulis sa bayan ng Ampatuan na “unforgivable.”

Kinilala ang mga nasawi na sina Police Lieutenant Reynaldo Samson at Police Corporal Salipuden Talipasan Endab at sugatan naman sina Police Senior Master Sergeant Renante T. Quinalayo, Police Corporal Rogelio R. Dela Cuesta, Jr., at Police Corporal Marc Clint Varrona Dayaday.

Nakiramay din si Abalos sa pamilya ng mga nasawi at nangako na pagbabayarin ang mga nasa likod ng pamamaril.