ARESTADO ng mga operatiba ng Provincial Drug Enforcement Unit at Bohol Police Provincial Office ang mangingisdang sangkot sa paggawa ng mga dinamita sa Purok 7, Brgy. Hingotanan East, Bien Unido, Bohol noong Biyernes.

Kinilala ni Police Lieutenant Colonel Arwen Nacional, chief ng PDEU, ang suspek na si alyas Dondi, 43, na nahuli bandang alas-5:35 ng umaga.

Sa pangunguna ni P/Lt. Nouvelle Paderna kasama ang mga tauhan ng PMFC Bohol at Bien Unido police, tiklo ang suspek dahil sa mga homemade dynamites.

Nakumpiska sa suspek ang 3 dynamite Explosive na may sangkap na ammonium nitrate at may timbang na 10.5 kilograms at nagkakahalaga ng P8,400.

Ang naarestong suspek ay nahaharap sa kasong paglabag sa PD 1866.