MARIING itinanggi ni contractor Pacifico “Curlee” Discaya noong Lunes na siya ay kailanman pumasok sa South Forbes Park—isang pahayag na naging sentro ng pagdinig ng Senate Blue Ribbon Committee at isinama sa pagsusuri ng panel sa mga alegasyong nag-uugnay kay dating Speaker Ferdinand Martin G. Romualdez sa nasabing ari-arian.

“Hindi pa kami nakakapasok sa South Forbes Park. Hindi namin alam kung (ano ang) itsura ng mga bahay diyan,” sinabi ni Discaya sa komite, bilang pagtanggi sa mga alegasyong siya umano ay lumapit sa mga naninirahan o nagbigay ng mga tagubilin kaugnay ng ari-arian.

Kinilala ni Sen. Ping Lacson, na namuno sa pagdinig, na ang impormasyong iniharap ng mga testigo—na gumamit ng mga alyas na “Joy” at “Marie”—tungkol sa umano’y paglapit ni Discaya o pagbibigay niya ng mga tagubilin kaugnay ng ari-arian ay hindi umabot sa antas na makapag-ugnay kay Romualdez, lalo na sa liwanag ng pagtanggi ng contractor.

“I repeat hindi ito enough, itong information is not enough to implicate the former Speaker. This is just, we may just consider this as a lead kasi mayroong connection but of course dineny naman ni Curlee Discaya so let’s leave it at that,” ani Lacson.

Hanggang sa pagdinig, wala pang naiharap sa komite na deed of sale, kontrata, o rekord ng bayad na may pangalan ni Romualdez.

Ipinakita rin ng mga rekord na binanggit sa pagdinig na si Romualdez ay hindi umuupa, hindi may-ari, at hindi bahagi ng anumang transaksyon na may kaugnayan sa ari-arian.

Nag-ugat ang imbestigasyon ng Senado sa isang alitang may kinalaman sa hindi na-renew na lease. Inilagay sa rekord ng mga pahayag ni Lacson na ang impormasyong ibinigay ng mga testigo ay hindi sapat upang iugnay ang dating Speaker, lalo na matapos tanggihan ni Discaya sa ilalim ng panunumpa na siya ay kailanman pumasok sa South Forbes Park.

Samantala, mariing ibinasura ni Atty. Ade Fajardo, abogado at tagapagsalita ni Romualdez, noong Lunes ang mga alegasyong inilahad sa pagdinig ng Senado, na aniya’y bumabagsak sa harap ng sinumpaang testimonya at kawalan ng mga dokumentong ebidensya.

“The allegations aired in the Senate are logically and physically impossible,” ani Fajardo. “Curlee Discaya testified under oath that he has never entered South Forbes Park, making it impossible for him to have approached anyone there or issued any instruction.”

Idinagdag niya na ang mga paratang ay nagmumula lamang sa mga tauhan ng pinaalis na umuupa at hindi sinusuportahan ng anumang dokumento.

“The claims come solely from the staff of an evicted tenant, unsupported by any document,” ani Fajardo, at binigyang-diin na ang pangalan ni Romualdez ay “appears in no deed, contract, or payment record related to the property.”

Ayon kay Fajardo, wala nang dapat pang sagutin batay sa mga rekord.

“There is no evidence—only hearsay and possibly perjured statements—and therefore nothing to answer,” aniya.

Binigyang-diin din niya na ang mga alegasyong inilalabas sa mga pampublikong pagdinig ay dapat sinusukat laban sa sinumpaang testimonya at mapapatunayang mga rekord, at idinagdag na ang haka-haka na walang dokumento ay hindi maituturing na ebidensya.