PINASOK ng mga kawatan ang Balagtas Elementary School sa Brgy. Balagtas, Batangas City at tinangay ang 43 tablets at isang laptop na nagkakahalaga ng P537,414 noong Lunes.

Sa imbestigasyon, sinabi ni Mildred Ilagan Linatoc, 54, principal ng school, na sa pagitan ng alas-11:00 ng gabi ng Nobyembre 24 hanggang alas-3:00 ng madaling-araw noong Nobyembre 25 pumasok ang mga kawatan.

Pwersahang nakapasok sa loob ng paaralan, sinira ang ilang mga padlock mula sa iba’t-ibang mga silid at itinakbo ang mga tablets at laptop.

Tumakas ang hindi pa nakikilalang suspek patungo sa hindi malamang direksyon matapos ang insidente.