SUMUKO noong Biyernes ang miyembro ng New People’s Army (NPA) at nagbigay din ng suporta ang kasama niya sa mga pulis sa Brgy. Masaya, Rosario, Batangas.

Sumuko ang NPA member na si alyas Alma, 52, dating miyembro ng NPA sa Magapi, Oriental Mindoro, bandang alas-3:19 ng hapon sa mga pulis sa ilalim ng pangangasiwa ni P/Lt. Col Garman Manabat kasama ang mga tauhan ng Rosario police at 59th Infantry Battalion ng Philippine Army.

Isinuko ni alyas Alma ang 335 na gramo ng ammonium nitrate fuel oil (ANFO), isang timer fuse, isang blasting cap at isang rifle-propelled grenade (RPG).