PINAG-aaralan ng Commission on Audit kung magsasagawa ng fraud audit kaugnay ng confidential-fund transactions ng Office of the Vice President at Department of Education, ayon sa testimonya ng state auditor na si Xylene Mae del Campo.

Sinabi ni Del Campo kay Senator-judge Paolo Benigno “Bam” Aquino IV na wala pang sinisimulang fraud audit ang COA at pinag-aaralan pa ang usapin kasama ang chairperson ng komisyon.

Nang tanungin kung maaari pa ring magsagawa ng fraud audit ang COA, sumagot siya: “Opo. Gaya nga po ng sinasabi ko, pinag-aaralan pa lang po at kung kinakailangan po, pwede pong mag-fraud audit.”

Binanggit ni Aquino ang mga pangalang gaya ng “piattos,” “bacon,” “heart” at “keso” sa mga rekord at tinanong kung dapat bang naging posibleng red flag ang mga ito.

Ipinaliwanag ni Del Campo na ipinapalagay ng mga auditor ang regularity dahil may sinumpaang certification ang special disbursing officer na ginamit ang confidential funds para sa confidential operations na itinuring na kinakailangan at may legal na layunin.

Sinabi rin niya na walang nakasaad sa Joint Circular No. 2015-01 tungkol sa paggamit ng aliases.

Tinanong naman ni Aquino kung dapat bang may katumbas na totoong tao ang bawat acknowledgment receipt at kung dapat talagang naisagawa ang activity na nakasaad sa report.

“Opo, tama po,” sagot ni Del Campo.

Hindi napatunayan sa palitan na maituturing na fraud sa ilalim ng audit rules na tinalakay sa pagtatanong ang paggamit ng aliases.