Idineklara ni Pangulong Ferdinand “Bongbong” Marcos Jr. ang Hulyo 9 bilang isang regular holiday bilang pagdiriwang sa Eid’l Adha o Feast of Sacrifice.

Ayon sa Proclamation No. 2 ang Eid’l Adha ay isa sa dalawang pinakaimportanteng pista ng Islam.

Sa selebrasyon ito ay nag-aalay ng tupa, kambing, baka o kamelyo ang mga Muslim bilang paggunita sa kahandaan ni Propeta Ibrahim na isakripisyo ang kanyang anak bilang pagsunod kay Allah.

Ipinaalala naman sa proklamasyon ang pangangailangan na sumunod sa minimum health protocol upang maiwasan ang hawahan ng COVID-19.