Walang tumama sa P367.5 milyong jackpot prize ng Grand Lotto 6/55 sa bola ngayong Hulyo 6.

Ayon sa Philippine Charity Sweepstakes Office (PCSO) walang tumaya sa winning number combination na 49-06-26-55-03-14.

Nanalo naman ng tig-P100,000 ang 67 mananaya na nakakuha ng lima sa anim na numerong lumabas.

Tig-1,500 naman ang tinamaan ng 4,100 mananaya na nakakuha ng apat na numero at tig-P60 naman ang 87,854 mananaya na nakatatlong numero.

Ang Grand Lotto ay binobola tuwing Lunes, Miyerkoles, at Sabado.

Sa bola sa Sabado ay inaasahang lalapit sa P400 milyon ang premyo ng Grand Lotto.