INARESTO ng NBI-Counter Terrorism Division (NBI-CTD) ang isang indibidwal sa Makati City sa paglabag sa Sections 28(b) at 32 ng Republic Act No. 10591 (Comprehensive Firearms and Ammunition Regulation Act).

Ang operasyon ay nag-ugat sa impormasyon na isang umano’y gun dealer sa Makati Cinema Square, Makati City, ay nagbebenta ng hindi rehistrado, high-powered, fully automatic long firearms sa mga politiko na may pribadong armadong grupo, partikular na mula sa Central Mindanao, Sulu, at Basilan.

Nakumpirma ang impormasyon nang mag-alok ang suspek ng hindi rehistrado, high-powered, at fully automatic long firearms na di na umano kailangan ng LTOPF.

Noong Mayo 28, 2026, nagtungo sa target na tindahan ng baril ang magkasanib na operatiba mula sa NBI-CTD, tinulungan ng NBI-Counter Intelligence Division (NBI-CID) at NBI-Technical Intelligence Division (NBI-TID).

Nakilala nila ang paksa na nag-alok ng apat na hindi rehistradong automatic rifles at dalawang hindi rehistradong pistola, pawang mula sa iba’t ibang imported na tatak. Ang paksa ay nag-alok ng presyong P1,000,000 para sa lahat ng hindi rehistradong baril.

Sumang-ayon ang mga undercover agent sa alok at ibinigay ang marked money sa suspek, na agad namang tinanggap at binilang sa harap ng mga ahente ng NBI. Sa pagkakataong ito, nilapitan ng mga operatiba ang paksa at inaresto.

Dinala ang naarestong susoek sa opisina ng NBI, kung saan sumailalim siya sa standard booking procedures at ihaharap para sa inquest proceedings para sa mga nabanggit na paglabag.

Dahil dito l, pinuri ni NBI Director Atty.Melvin A. Matibag ang dedikadong pagtutulungan ng mga ahente ng NBI-CTD, NBI-CID, at NBI-TID.