ISANG lindol na may lakas na magnitude 4.3 ang yumanig sa Ilocos Norte Lunes ng hapon.

Ayon sa Philippine Institute of Volcanology and Seismology (PHIVOLCS) naramdaman ang lindol alas-4:19 ng hapon.

Ang epicenter nito ay 17 kilometro sa silangan ng Carasi at may lalim na 75 kilometro.

Naitala ng PHIVOLCS ang mga sumusunod na Intensity:

Intensity IV – Pasuquin at Laoag City, Ilocos Norte

Intensity III – Sinait at Vigan City, Ilocos Sur: Claveria, Cagayan

Intensity I – Gonzaga at Peñablanca, Cagayan