INTERNATIONAL na dambana na ang pambansang dambana at Parokya ni St. Padre Pio sa Gov. Antonio Carpio Avenue (Santo Tomas–Lipa Road) sa Brgy. San Pedro, Santo Tomas City, Batangas matapos makatanggap ng kautusan mula sa Holy See.

Opisyal na idineklara ang pagtaas ng status nito sa pamamagitan ng Dicastery for Evangelization sa Vatican City na inihayag ng parokya noong Hunyo 4.

Ang kautusan ay inilabas noong ika-139 anibersaryo ng kapanganakan ni St. Padre Pio noong Mayo 25, 2026.