IPINAGDIWANG ang 124th Araw ng Paggawa sa Laguna sa pamamagitan ng job fair sa Jose Rizal Coliseum sa Calamba City, Laguna.

Layunin ng job fair na magkaroon ng maraming oportunidad para sa mga manggagawang Pilipino

Sa temang “Disenteng Trabaho para sa Lahat: Iisang Hangarin, Bagong Pilipinas, Sama-Sama Mararating,” pinagtitibay ng layunin na mabigyan ng maayos na hanapbuhay ang bawat isa.

Pinangunahan ng Department of Labor and Employment, katuwang ang Laguna at city government ng Calamba ang event.

Naitala ang pinakamataas na bilang ng job vacancies na umabot sa 10,895 oportunidad mula sa 82 employers na handang tumanggap ng mga kwalipikadong aplikante.