PATAY ang isang lalaki matapos pagbabarilin ng dalawang hindi kilala at tumakas na salarin sa Brgy. Subic Ilaya, Agoncillo, Batangas kamakalawa.

Binaril ang biktimang si alyas Romeo habang naggugupit ng damo sa harap ng kanilang bahay nang dumating ang dalawang suspek at walang sabi-sabing pinagbabaril siya sa ulo.

Tumakas ang mga suspek papunta sa Poblacion area ng Agoncillo matapos ang pamamaril, ayon sa report.

Patuloy ang ginagawang imbestigasyon sa crime scene ng mga pulis.