NAMATAY ang lalaki matapos saksakin sa kaliwang dibdib ng nahuling suspek noong Sabado sa Lazaro compound, Brgy. Tres, Calamba City, Laguna.

Nasawi ang biktimang si Romnick Villanueva Romano sa St. John the Baptist Medical Center dahil sa saksak na tumagos sa kanyang puso, ayon sa Calamba City police.

Naaresto ang itinuturong suspek na kinilalang si alyas Jabbar.

Ayon sa mga pulis, dakong alas-10:40 ng gabi nilapitan ng suspek ang biktima at saka bigla na lang inundayan ng saksak sa hindi malamang dahilan.

Naawat ang pananaksak ng suspek at naaresto, ayon sa report.

Sasampahan ng kasong murder ng pulisya ang suspek.