LAGLAG sa kamay ng batas ang isang suspek sa panghahalay sa San Jose, Batangas noong Biyernes.

Nagsagawa ng police operation bandang alas-2:37 ng hapon sa Brgy. Sto. Cristo ang mga tauhan ng San Jose police at nahuli ang suspek na kinilalang si alyas Marvin.

Nadakip ang akusado sa pamamagitan ng mga warrant of arrest para sa dalawang bilang ng panggagahasa at isa para sa tatlong bilang ng act of lasciviousness.

Walang piyansang inirekomenda para sa kasong panggagahasa at P180,000 para sa acts of lasciviousness.